InicioTerra de LemosMonforteMercados de Nadal para fomentar o comercio e ofrecer actividades de lecer...

Mercados de Nadal para fomentar o comercio e ofrecer actividades de lecer en Monforte

Celebraranse durante dous venres e dous sábados consecutivos deste mes de decembro,, concretamente os días, 22, 23, 29 e 30. Na presentación, a Tenente de Alcalde monfortina, Gloria Prada, informou das actividades e lembrou que estas iniciativas dinamizan o comercio local e ofrecen alternativas de lecer á veciñanza, visitantes e turistas.

Publicado o

POR
Redacción
- Advertisement -

Na presentación dos ‘Mercados de Nadal’ deste ano, a Tenente de Alcalde, Gloria Prada, destacou que o obxectivo desta iniciativa é “fomentar as compras desta época nas tendas de Monforte, no noso comercio local. E para iso fusionaremos animación e ocio co comercio, nas instalacións dos mercados, como xa vimos facendo nas últimas edicións, unha oferta atractiva de ocio e animación para todos os públicos, ao mesmo tempo que se fan os mercados de tempada”.

Prada subliñou tamén que “continuando cunha novidade incorporada o pasado ano polo Concello e que funcionou moi ben, cada un dos sábados 23 e 30, como colofón ao Mercado de Nadal, celebraremos dous concertos a cargo de grupos musicais monfortinos na rúa Cardenal que animarán as rúas comerciais e á hostalería dende as 8 da tarde. Serán os grupos Doc Magoo’s e  Malenne”. O sábado 23, a partir das 20:00 horas, fará a súa actuación o grupo monfortino Doc Magoo’s e o sábado 30 será a quenda de Malenne.

Doc Magoo’s en concerto. Foto: Thierry

MERCADO DE NADAL

O Mercado de Nadal de Monforte celebrarase durante dous venres e dous sábados consecutivos deste mes de decembro, concretamente os días, 22, 23, 29 e 30. A Praza de Abastos, lugar no que se ubicará este Mercado de Nadal, decoraranse ao detalle converténdoa nun auténtico escenario de Nadal cheo de luces e fantasías creativas propias destas datas.

Os horarios de apertura serán de 11:00 a 14:00 e de 17:00 a 20:30 horas.

Nesas datas de mercado, o visitante poderá atopar unha ampla oferta de produtos para agasallos e gastronomía navideña, a oferta de artesáns e artesás de olería, complementos, cosmética natural, madeira, bixutería, entre outras disciplinas artísticas, ademais dun amplo abano de produtos gastronómicos gourmet e de produtores locais de alta calidade. Calcúlase a participación de entre 10 e 12 postos por día.

Ademais, todos os días do Mercado de Nadal haberá, tanto pola mañá como pola tarde, diversas actividades coma obradoiro de cociña/Showcooking, contacontos, obradoiros de artesanía e de personalización e pintura de bolas de Nadal ou un espectáculo de maxia.

PROGRAMA COMPLETO DOS MERCADOS

Venres 22 de decembro

12:00 h.- Obradoiro de artesanía.

18:30 h.- Obradoiro de cociña/Showcooking Navideño no Espazo gastronómico da Praza. Aportaranse ideas de menús navideños coa elaboración de catro tapas diferentes a cargo do Chef Manuel: “Mejillones con langostinos y setas en escabeche casero”, “Aguacate con pico de gallo mexicano y tartas de gamba arrocera”, “Taco de merluza con nabizas y panceta curada” e “Solomillo de cerdo duroc con crema de patata y tierra de setas de temporada”.

Sábado 23 de decembro

12:00-14:00 e 17:30-20:30 h.- Visita de Papa Noel. Terá ubicada a súa Trona nas instalacións do Mercado da Praza de Abastos, e atenderá ós nenos e nenas en pases de mañá e tarde.

Papá Noel. Foto: Hipica Celta

20:00 h.- Actuación musical na rúa Cardenal a cargo de Doc Magoo’s.

Venres 29 de decembro

12:00 h.- Obradoiro de artesanía.

18:30 h.- ContacontosUn saco de contos” con María da Pontragha. Espectáculo de contos e música de historias da nosa cultura e tradición. María da Pontragha é educadora e antropóloga, dende sempre mantivo un vínculo moi forte coa tradición oral, tanto a través da música coma da palabra en sí. No 2009 comezou a súa andaina no mundo da narración centrándose en todo o que rodea a oralidade.

Co seu espectáculo Un saco de contos leva contos e cancións de tradición oral para crianzas. Historias que beben da nosa herdanza cultural e cos que sementa as leiriñas das familias para que medren vizosas.

Sábado 30 de decembro

12:00 h.- Obradoiro de personalización e pintado de Bolas de Nadal a cargo do artesá Noe.

18:30 h.- Espectáculo de maxiaWhy Not?2.0?” con Samuel Moreno, artista de Tomiño con gran talento e que chegou a semifinais de “Got Talent España” na edición do 2018. Ata este momento actuaba en eventos privados pero a partir dese ano despega actuando en diferentes eventos e locais de toda España.

En “Why Not? 2.0?” Samuel mestura maxia con música, tecnoloxía e humor. Diversión e interacción cos asistentes para achegar o ilusionismo a maiores e pequenos nun espectáculo ideal para público familiar.

Mago Samuel Moreno. Foto cedida.

20:00 h.- Actuación musical na rúa Cardenal a cargo de Malenne.

ÚLTIMAS

Fin de semana de Fam Trip na Ruta do Viño da Ribeira Sacra

A Ruta do Viño da Ribeira Sacra celebra do 24 ao 26 de maio...

O alcalde de Bóveda na creacion da Comisión de Políticas de Auga, Medio Ambiente e Economía Circular

O alcalde de Bóveda, José Manuel Arias, participou recentemente en Madrid na reunión da...

Fotografías gañadoras do Certame ‘Fotoxénica Mente VII’ da Asoc. Albores

Xa se coñecer os gañadores e a gañadora do Certame de Fotografía "Fotoxénica Mente"...

Estudantes de Monforte e Vigo álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...