Este pasado luns, 7 de marzo, rematou o prazo do concurso de debuxo e fotografía do día da muller 2022 no Concello do Saviñao. O tema era “Igualdade entre mulleres e homes”. Pendentes xa, de coñecer os premiados e premiadas.
ACTIVIDADES DO DÍA 8 DE MARZO
Lanzamento dun vídeo para promover o 8M coa participación de mulleres do Saviñao de distintos sectores profesionais. Farase a través das redes sociais, da web do concello e proxectándoo nos colexios.
Ás 12:00 h. terá lugar a concentración e lectura do manifesto do Día da Muller diante da Casa do Concello.
Este mesmo día farase entrega nos centros escolares de material do 8M –mochilas, USB, material escolar…— e procederase ao lanzamento a través das redes sociais e a web do concello das fotografías con lazos xigantes que realizaron os colexios de Escairón e Currelos ademais da Escola Infantil municipal.
OUTRAS ACTIVIDADES
O 12 de marzo ás 20:00 h. haberá un coloquio con 6 mulleres do Saviñao de distintos sectores profesionais no que contarán a súa experiencia no mundo laboral e persoal. No transcurso do acto proxectarase o vídeo promocional do 8M.
Do 8 ao 31 de marzo iluminarase a fachada do concello de cor violeta para visibilizar o mes da muller, e no coñecido como ‘Recanto 8M’ da Biblioteca Municipal haberá sección de libros sobre a muller e a violencia de xénero.
