Excarceran dúas persoas nun accidente en Vilacaiz

Ambulancia do 061. 061-GALICIA - Arquivo

Segundo recolle o parte do 112, dúas persoas foron excarceradas ao caer por un desnivel na parroquia de Vilacaiz, no Saviñao, á altura do quilómetro 4 da LU-P-5818, nun sinistro rexistrado ás 17,15 horas. O vehículo acabou nunha zona de abundante vexetación.

O CIAE 112 Galicia avisou a Urxencias Sanitarias de Galicia-061, Bombeiros de Chantada, Garda Civil de Tráfico e Protección Civil. Tras ser liberadas polos Bombeiros de Chantada, as dúas persoas que circulaban no vehículo recibiron os primeiros auxilios e, posteriormente, foron trasladadas a un centro médico.

DEIXAR UN COMENTARIO

Please enter your comment!
Please enter your name here