Os bombeiros interviñeron para rescatar e evacuar ao hospital a unha persoa que envorcou co seu vehículo e quedou atrapada cando circulaba no Saviñao.

Os feitos ocorreron ás 15,15 horas, cando un particular chamou ao 112 Galicia para alertar deste sinistro no quilómetro 12 da LU-P-4102, ao seu paso por Vilasante. Ademais, o implicado non conseguía saír polos seus medios do coche.

Así, foron os bombeiros de Chantada os que se encargaron de axudar a saír á persoa do coche, para o que tiveron que romper a porta do acompañante.

Finalmente, Urxencias Sanitarias de Galicia-061 trasladou á persoa implicada ata o centro hospitalario de referencia.

O 112 tamén solicitou a intervención da Garda Civil e de Protección Civil do Saviñao.