O Concello de Pantón organiza un ano máis as Festas Patronais de Ferreira de Pantón que se desenvolverán do 16 ao 18 de agosto. Despois das actividades do sábado, o domingo, 17 de agosto, haberá misa solemne coa actuación do Trícole e seguirán as sesión vermú na capitalidade municipal e en Goián. Dede as 17:30h contarase coas actividades de Infantilandia, que terán lugar na Piscina Municipal. Xa pola noite, desde as 21:30h a verbena estará amenizada polas orquestras Sinfonía e Principal.
Festas Ferreira de Pantón / Facebook Concello de Pantón
Xa o luns, 18 de agosto, repetiranse as sesión vermú desde as 11.30h. As actividades para os nenos e nenas con Infantilandia desenvolveranse, nesta ocasión, na Praza do Concello, desde as 17:30h. O fin de festa pola noite farase a partir das 21:00h coa actuación das orquestras Saudade e Combo Dominicano.
O alcalde, José Luis Álvarez, anima á participación nas diferentes propostas que se organizan para dinamizar estes días, “en agosto volven a Pantón numerosas familias, as que teñen aquí as súas orixes e quen aproveita para visitarnos nestes días de verán e de festa. Desexamos que veciños e visitantes aproveiten para pasar estes días de celebración en familia e seguir descubrindo as riquezas patrimoniais, paisaxísticas e culturais que temos en Pantón”.
