Chantada quere sanidade é unha plataforma veciñal que aglutina aos veciños e veciñas que demandan melloras sanitarias no eido local de Chantada e tamén de Carballedo, asi como na área sanitaria na que se inscriben e mesmo a nivel galego.

Veñen denunciando as problemáticas no Centro de Saúde de Chantada e tamén no Hospital Comarcal de Monforte, “situación que se agrava cada mes ou case cada semana. Despois de dúas concentracións, e unha carta á xerencia que a día de hoxe non tivo resposta a plataforma convoca esta manifestación”.

A plataforma entende que “hai unha clara postura de inacción e vanalización do problema por parte da administración sanitaria”, o que a leva a convocar esta manifestación para o día 13 de xaneiro ás 12 da mañá, que sairá da Praza Santa Ana e percorrerá a vila finalizando no centro de saúde onde se lerá o manifesto. “Debemos recordar que coas vidas non se xoga e que a Sanidade Pública é un dos bens máis prezados que temos como sociedade”, conclúen.