Segundo o sindicato no Hospital de Monforte hai prazas que se levan cubrindo con acúmulo dende hai máis de 6 anos, “prazas que tiñan que cubrirse con vacante”. Aseguran que hai que estabilizar aos médicos, pero tamén a todo o persoal, “Non pode ser que se fagan contratos de acúmulo renovables mes a mes prorrogables ata nove meses”.

A CIG-Saúde asegura que o Sergas funciona deste modo para non ter que dar vacacións ao persoal “e tamén, no caso de que unha persoa se poña de baixa, perda o contrato”. Ao facer contratos de 9 meses como máximo o persoal cambia cada nove meses, co cal a atención non é a mesma que cunha persoa estable durante anos.

Píndelle ao SERGAS que as 22 prazas cubertas con “contratos precarios” se transformen en prazas orzamentadas e se cubran con contratos de interinidade, “para unha mellora da atención e tamén das condicións laborais”. A este respecto enuncian as seguintes prazas:

• Técnico Superior en Laboratorio Clínico, 1 acúmulo, dende 2019
• Técnico Superior en Farmacia, 3 acúmulos de tarefas, levan 6, 4 e 3 anos
• Celador, Urxencias: 5 acúmulos de tarefas dende pandemia (2019)
• Porta, 2 acúmulos de tarefas dende pandemia (2019)
• Enfermaría

– Urxencias, 1 acúmulo de tarefas dende pandemia (2019)

– Traumatoloxía, 1 acúmulo de tarefas dende 2020

• Técnico en Coidados Auxiliares de Enfermaría

– Urxencias, 2 acúmulos de tarefas dende pandemia (2019)

• Grupo auxiliar da función administrativa

– 1 no Rexistro electrónico: dende o 2020

– 1 en Atención o Paciente dende o 2020

– 1 en Farmacia dende 2019

• Fisioterapeuta;1 acúmulo de tarefas de tarde
• Atención Primaria:

– Pediatría itinerante zona sur de Monforte, leva máis de 5 anos cuberta con acúmulo.

– PAC de Monforte, leva máis dun ano en acúmulo.

– PAC de Chantada, Estivo cuberta con contrato de continuidade durante un ano, que cesou cos traslados e agora mesmo hai un acúmulo.