Os pilotos de rali lucenses terán unha axuda económica de entre 400 e 7.000 euros para sufragar gastos federativos das actividades deportivas, gastos de inscrición para competicións oficiais, gastos pola compra ou aluguer do vehículo de competición, gastos de transporte do coche e material e de competición, así como gastos de adquisición de neumáticos.
Estas axudas serán concedidas en base a criterios obxectivos e sociais. Polo tanto terase en conta o palmarés, o ránking oficial e a participación en probas federadas. Tamén se valorarán de xeito positivo as solicitudes de pilotos con capacidades diferentes, as mulleres pilotos e as de pilotos con idades comprendidas entre 18 e 30 anos.
Para poder optar a estas axudas, os interesados poder atopar o modelo de solicitude na páxina web da Deputación de Lugo.