Por cada suceso serio que acontece na historia hai centos de reflexos banais proxectados sobre espellos cóncavos ou convexos, moi á imaxe do madrileño Callejón del gato que un día lle deu a Valle-Inclán a idea do esperpento. Así é que, mentres a miles de quilómetros os tanques rusos tomaban unha central nuclear con artillería pesada, nas redes sociais sucedíanse outras moitas guerras, non con metralla e minas antipersoas, senón con chíos desenvoltos entre sorbo e sorbo do café con leite.
Na noite do martes, La Voz de Galicia publicou o relato dun veciño de Chantada que denunciaba a agresión por parte de dous cidadáns madrileños. Segundo apunta o home, as feridas tiveron lugar nunha liorta acontecida despois de que o home lles preguntara de onde eran e, ao responderlles co nome da capital, os chamara ‘Ayusitos’. O chantadino –ou chantadés– explica non lembrar se os chamou tamén “paletos”.
Segundo explicaría ao xornal dos Latorre, faloulles da presidenta da Comunidade de Madrid pero sen intención de provocar. “Foi o que se me ocorreu no momento, tamén me podía dar por falar de Putin”, explicou. Á marxe destas precisións sobre política internacional e estatal, o caso é que o suceso vén de xerar a xa amentada guerra nas redes, con comentarios cruzados que se cadra chegarían tamén ás mans de non haber unha pantalla retroiluminada de por medio.
Unha parte dos comentarios veñen a dicir iso de que para abrir moito a boca cómpre tamén ter unha man dura coa que defender o pronunciado.
Pues callate…no busques lio, no provoques 🤦♂️😡🤮— Auroraboreal (@Aurorab52290351) March 2, 2022
El que tiene la boca grande debe de tener las espaldas fuertes. Nadie tiene que aguantarle faltas de respeto a nadie.— Clara Somontes (@CSomontes) March 3, 2022
Pero tamén hai enfrontamentos de acusada “madrileñofobia”, rexeitada por algúns e asumida por outros como un estandarte.
Y ¿dónde eso es algo malo?— Marcos R P 🇪🇺 🇺🇦 (@marcosrodp) March 4, 2022
Algúns van máis alá e mesmo chaman ao particular batallón paramilitar galego –os Riazor Blues— a que interveñan coas súas tropas en Madrid.
Moi seguros están en Madrid de que os galegos somos tan frouxos, que poden vir a darnos ostias na nosa mesmísima casa, poñendo a nosa retranca como escusa, e sabendo que ninguén llas ha devolver nin facelos salir por patas. Para facérnolo mirar.
Adiante @rb1987oficial!— Marcos R P 🇪🇺 🇺🇦 (@marcosrodp) March 4, 2022
Como punto e final deste particular enfrontamento, tamén hai quen apunta a unha enemistade xestada pola incidencia do turismo e a particular distensión capitalicia no tocante ás medidas sanitarias.
Please wait while you are redirected...or Click Here if you do not want to wait...lógico…se llama tirria…y lo promulgó la sñrta Ayuso..cuando gritó libertad en plena pandemia..y los madrileños de viaje a Galicia….y nuestros padres.., viviendo en el campo..sin salir de casa…y se oasean por aquí..como si fuese su feudo…— Mik (@Mik08070554) March 2, 2022