Plásticos agrícolas, un problema medioambiental e social?

Segundo Fruga, Federación Rural Galega, hai un ano que rematou o contrato entre a Consellería de Medio Ambiente e a concesionaria da reciclaxe de plásticos agrícolas e pídenlle que se retome para evitar que os plásticos acaben ciscados polos montes.

Silos/ Wikimedia Commons

En Galicia, cada ano xenéranse unhas de 7.700 toneladas de plástico agrario, das que 6.800 proceden de silos e 900 de invernadoiros e hortas. Estes plásticos víñanse depositando nos lugares marcados por aqueles concellos que tiñan asinados convenios coa Consellería do Medio Ambiente. Estes puntos de almacenamento eran baleirados pola empresa contratada pola Xunta para a súa reciclaxe. Pero ese contrato, segundo Fruga, expirou.

O servizo evitaba que os pláticos agrícolas acabasen ciscados por leiras e montes, ou queimados incontroladamente; pero segundo Fruga o contrato deste servizo, rematou hai un ano. A organización agraria solicita da Xunta que se retome e que se leve a cabo unha campaña de concienciación para aumentar o volume de plástico que se viña recollendo. No 2010, o mellor ano de recollida, retiráronse unhas 4.000 toneladas de plástico, a metade do que se produce no agro, segundo os datos da propia Xunta que manexa Fruga.

Que non se manteña o servizo é calificado por Fruga como unha irresponsabilidade da Xunta e reclámanlle que se retome para evitar un serio problema medioambiental e social.

DEIXAR UN COMENTARIO

Please enter your comment!
Please enter your name here