A Dirección Xeral de Emerxencias activou a alerta laranxa por treboadas nas provincias de Lugo e Ourense ao longo da mañá deste martes.

En concreto, segundo os datos da Axencia Estatal de Meteoroloxía, trátase dun fenómeno meteorolóxico que afectará á montaña sur da provincia de Lugo e á montaña de Ourense. Prevense choivas e vento localmente fortes e sarabia de gran tamaño.

Co fin de garantir a seguridade de bens e persoas, Emerxencias informou da situación aos concellos das provincias afectadas, deputacións, servizos de Protección Civil e clubs náuticos, co obxectivo de que tomen as medidas de protección oportunas.