Arde unha casa enteira en Folgoso do Courel

Ningunha persoa resultou ferida.

Camión de bombeiros / PV

Unha casa resultou totalmente calcinada polo lume á primeira hora deste domingo no municipio lucense de Folgoso do Courel, aínda que sen causar feridos.

Segundo a información do CIAE 112-Galicia, o suceso ocorreu sobre as 6.00 horas, cando un particular alertou dun incendio nunha vivenda da rúa Deputación, en Folgoso.

Ata a zona desprazáronse efectivos dos Bombeiros de Monforte, Protección Civil, GES de Quiroga-Folgoso e Garda Civil. As chamas provocaron que a casa ardese practicamente por completo, informa o 112, aínda que ningunha persoa resultou ferida.

DEIXAR UN COMENTARIO

Please enter your comment!
Please enter your name here