Os servizos de emerxencias tiveron que evacuar este venres o condutor dun tractor que resultou ferido de consideración logo de envorcar o seu vehículo en Quiroga.
Segundo a información do 112-Galicia, o suceso ocorreu sobre as 18:00 horas deste venres nunha parcela do lugar de Bustelo de Lor.
Ata a zona desprazáronse efectivos dos Bombeiros de Monforte, GES de Quiroga e a Garda Civil, así como membros de Protección Civil da localidade. Tamén acudiu un equipo médico do 061 a bordo do helicóptero medicalizado con base en Ourense, que trasladou o ferido a un centro sanitario.
