HomeEconomíaRibeira Sacra agarda a "mellor colleita" da súa historia

Ribeira Sacra agarda a “mellor colleita” da súa historia

Publicado o

- Advertisement -

O presidente do Consello Regulador Ribeira Sacra, José Manuel Rodríguez, confirmou que a Denominación de Orixe encamíñase cara a mellor ou “unha das maiores colleitas da súa historia”, dado que se dá por feito que se cumprirán as previsións iniciais e se chegarán aos sete millóns de quilos aproximadamente.

En declaracións a Efe, Rodríguez recoñeceu que este “é un ano para estar contentos” na denominación de orixe porque “as condicións axudaron moito” para que a colleita sexa excelente, dado que non houbo que lamentar ningunha incidencia, máis aló duns cantos ataques puntuais de fungos como o ‘black rot’, rapidamente controlados polos viticultores.

“Fai un par de anos que queriamos chegar a unha colleita próxima ao sete millóns de quilos de uvas”, precisou Rodríguez, porque as adegas necesitan esa cantidade para satisfacer a demanda dos seus clientes, pero “até agora non foi posible, polas xeadas, polo pedrisco ou polo mildiu”.

Con todo, nesta ocasión, o “tempo axudou, a climatoloxía mostrouse benigna e a uva que está a entrar nas adegas está sa”. Con data 6 de octubre lévanse recollido 6.874.826 quilos de uva, pero aínda hai produtores que seguen coa vendima. Das 96 adegas que vendiman ao amparo da D.O. nesta campaña, 29 aínda están cos traballos de recollida.

ÚLTIMAS

Doc Magoo’s: 25 anos de Rock and Roll

A banda de rocanrol Doc Magoo's percorreu un longo camiño desde os seus inicios...

Este 7 de xullo péchase a zona de xogos do Parque da Compañía

A primeira hora da mañá deste luns, 7 de xullo, procederase á realización de...

A campaña ‘Merca no teu comercio’ chega á Comarca de Quiroga

'Merca no teu comercio' chega aos concellos de Quiroga, Ribas de Sil e Folgoso...

Extinguido o incendio de Monforte que afectou a Seoane e San Xiao de Tor

A Consellería do Medio Rural deu por extinguido un incendio no municipio de Monforte...