O incendio forestal declarado no concello do Incio durante a tarde de Aninovo quedou extinto este xoves. Calcúlase que queimou unhas 29,8 hectáreas de superficie.

Segundo informou a Consellería do Medio Rural, o lume comezou ás 18.07 horas do mércores día 1 na parroquia de San Salvador do Mao. Tras quedar controlado ás 4.00 horas deste xoves, foi extinto a iso das doce e cuarto da mañá.

As últimas estimacións apuntadas por Medio Rural sitúan a superficie afectada por este lume en 29’8 hectáreas, das cales 23’8 corresponden a monte raso e outras seis a arboreda.

Na súa extinción participaron tres axentes, oito brigadas e tres motobombas, segundo concretou a Consellería do Medio Rural.