O Sergas confirmou a existencia dun novo gromo de coronavirus no municipio lucense de Sarria, que afecta, de momento, a unhas 26 persoas.

Segundo as mesmas fontes sanitarias, ese brote estaría relacionado cunha “reunión familiar” e, tras a detección dos primeiros positivos, o Sergas activou os protocolos correspondentes para identificar aos contactos das persoas infectadas.

Neste momento, ademais de identificar a eses contactos para cortar canto antes as cadeas de transmisión, tamén se está valorando a posibilidade de facer un cribado na localidade. EFE