A Xunta de Galicia vén de anunciar que destinará un 9.200 euros á promoción da lectura na zona sur de Lugo. Este orzamento distribuirase entre as Bibliotecas Municipais de nove concellos, que deberán organizar actividades no marco da campaña Ler conta moito como obradoiros creativos, divulgación de coñecemento, audiovisuais ou actividades con música e teatro, entre outras. Todas estas iniciativas estarán dirixidas a públicos específicos como bebés, cativos, mozos e adultos.
O presuposto total da campaña para todo Galicia é duns 200.000 euros, dos que se beneficiarán 154 concellos. Para optar a estas axudas, as bibliotecas ou axencias de lectura deben estar adheridas a este programa e deben poñer as súas infraestruturas a disposición dos profesionais que vaian desenvolver as actividades.
Os concellos beneficiados polo programa Ler conta moito nesta zona sur de Lugo son Carballedo, Chantada, Taboada, Quiroga, Bóveda, A Pobra do Brollón, Monforte, Sober e O Saviñao; e terán ata o 27 de outubro deste ano para levar a cabo as accións que consideren oportunas.
Responsables de Bibliotecas están descontentos/as en como se está a xestionar este ano o ciclo. Un programa para fomentar a lectura que tería que terse aprobado a principios de ano vén de concretarse hai escasamente semanas, momento no que se resolveron as partidas económicas disponibles para os concellos beneficiarios. Este retraso vai provocar que teñan que ‘apurar’ a selección das actividades dispoñibles no catálogo para encaixar entre xullo e outubro.