InicioCulturaLonga vida para a música en Sober

Longa vida para a música en Sober

Concertazo dos Parentes e da Banda de Música de Sober nun dos grandes actos que organiza o Concello para conmemorar os 150 anos desta última.

Publicado o

- Advertisement -

O Concello de Sober, caracterizado pola especial atención e mimo que lle dispensa á cultura e á disciplina artístico-musical, colabora coa Banda de Música de Sober na celebración do seu 150 aniversario.

Este pasado sábado, ás dez da noite, tivo lugar un concerto de balde da Banda xunto co grupo local Os Parentes no auditorio do Centro Sociocultural. O éxito de convocatoria foi rotundo quedando o espazo pequeno para recibir á gran cantidade de xente que se achegou a escoitalos. A actuación estaba prevista na Praza do Concello pero a choiva obrigouna a trasladar ao auditorio.

Aspecto do auditorio do Edificio Sociocultural de Sober durante o concerto. Foto: Prensa Sober

A Banda de Música de Sober e Os Parentes interpretaron temas propios do grupo soberino, pero tamén doutros conxuntos galegos de referencia no panorama musical como Ses, Heredeiros da Crus ou Treixadura. E non poideron faltar tampouco os temas do músico e poeta local Ramón Sandoval. Os arranxos para o concerto correron a cargo de Daniel Costa, membro de Os Parentes.

A Banda de Música de Sober seguirá adiante cos actos de celebración do seu 150 aniversario e prepárase xa para o día 3 de agosto, día no que haberá outro concerto con todos os músicos vivos que pasaron pola formación. Ao remate deste encontro haberá un xantar de confraternidade.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...