Quiroga celebra o Día de Galicia

Para este sábado día 25 o Concello de Quiroga ten programados diversos actos que comezarán ás 13.00 h. cunha recepción aos colectivos culturais do municipio.

Quiroga / Concello de Quiroga

A recepción terá lugar no salón de sesións da casa consistorial onde tamén se fará entrega dos premios do I Concurso de Fotografía “Xeoparque Montañas do Courel”, convocado pola Área de Xuventude. Todos os traballos presentados a este certame expoñeranse na Sala de Exposicións da Casa da Cultura dende este mesmo día.

Por tratarse do Día de Galicia non faltará a música tradicional, unha vez rematen os actos no salón de sesións o grupo de gaitas local “O Recanto” actuará diante da casa consistorial. Tras esta actuación, na que non faltará a interpretación do Himno de Galicia, fará unha alborada polas rúas da vila.

E xa como remate desta xornada festiva, a partir das oito do serán o grupo “Os Caliqueños” actuará polas rúas da vila quiroguesa.

DEIXAR UN COMENTARIO

Please enter your comment!
Please enter your name here