Lorena do Val e Gonzalo Herrero, docentes da Escola de Música Moderna de Monforte, ofrecerán o primeiro concerto desta nova etapa do Ateneo Casino e farano cun repertorio variado de músicas do mundo.
A actuación terá lugar no salón de xogos do Ateneo baixo o formato de café-concerto e haberá servizo de bar. A entrada é de balde e previa reserva, pero informan da xerencia que o aforo permitido para cumprir coas medidas sanitarias está xa cuberto.
OUTRAS ACTIVIDADES EN AXENDA
Para o que resta do mes de xaneiro hai outras actividades.
O venres 22, haberá sesión de narración oral co espectáculo Costureiras de Tarabela Creativa, e o último venres do mes, terá lugar unha proxección e performance arredor da longa documental Dorothé na vila.
As reservas fanse no teléfono 648 435 033, mediante WhatsApp.
