Country e blues para abrir decembro no Círculo Saviñao

Jeff Espinoza e Marco R. Wagner actuaron esta fin de semana no Círculo Saviñao de Escairón onde interpretaron cancións de raíz americana dos seus discos individuais e de colaboracións inéditas dos últimos tempos.

concerto Círculo Saviñao / Círculo Saviñao

Os dous músicos teñen unha moi ampla traxectoria musical. Jeff  trouxo temas de  ‘Red House’, ‘Red House Hits 1997-2012’, ‘Red House & Friends’ e do último ‘Gypsy Runner’, así como outras do seu repertorio clásico. Marco trouxo temas dos seus discos ‘What’s Love Remains’ e ‘Back to the plow’, e tamén versións de grandes da música americana.

O concerto é o resultado dunha longa experiencia e amizade entre Espinoza e Wagner, o que lles permite facer un dos grandes country e blues de Europa. Jeff Espinoza ten rexistrado máis de 400 temas de diversa índole en calidade de compositor e letrista e ten colaborado con infinidade de artistas de todo o mundo. Marco R. Wagner é tamén compositor, cantante, voz, guitarras e harmónica. Natural de Río de Janeiro, a súa formación musical é española e estadounidense. Neste último país que creou bandas e recorreu escenarios durante moitos anos ata que se veu a establecer a España.

Foron aplaudidos e aclamados polos seus fans escaironeses, que xa coñecían a Jeff de anteriores actuacións individuais e co grupo Red House. Gustaron moito, polo que seguro que seguirán formando parte de la planificación das actividades do Círculo Saviñao durante as súas xiras galegas.

DEIXAR UN COMENTARIO

Please enter your comment!
Please enter your name here