O libro de Alejandro Viana, o “Schindler galego” preséntase no Ateneo de Monforte o día 12

O avogado e politólogo Roberto Mera Covas presenta este sábado, 12 de febreiro, no Ateneo Casino de Monforte o seu libro "Alejandro Viana. Un galego á fronte do rescate dos refuxiados republicanos" (Belagua Ediciones).

Alejandro Viana

Roberto Mera constrúe un libro ameno e de áxil lectura para contar os dezaseis últimos anos da vida de Alejandro Viana, deputado republicano e tío bisavó de Roberto Mera. Viana fuxiu a Francia e arriscou a súa vida para salvar a decenas de miles de refuxiados republicanos, feito polo que se lle coñece como o ‘Schindler’ galego.

Na Europa ocupada polos nazis miles de exiliados republicanos españois
devecían por chegar a América para salvar as súas vidas. A intervención de
Alejandro Viana foi decisiva para a evacuación dende Francia cara a América de 17.000 refuxiados republicanos tras o comezo da guerra civil española.

En 1941, acosado pola Falanxe e a Gestapo, Viana emprendeu unha
desesperada fuxida. Logo de once meses de anguriante viaxe por África,
logrou chegar a México, onde viviu ata o seu falecemento en 1952.

Acompañarán ao autor, o xornalista Xosé Manuel Pereiro e o ex-alcalde de Monforte, Severino Rodríguez.

DEIXAR UN COMENTARIO

Please enter your comment!
Please enter your name here