A iniciativa desta aventura xornalística vén da man Sermos Galiza S.A., editora que dende hai 6 anos publica o semanario en papel Sermos Galiza e o dixital www.sermosgaliza.gal, e busca chegar ás 3.000 subscricións para poder facer realidade un diario en galego no 2019.
Sermos O Diario Galego publicarase en papel, con 32 páxinas a cor de martes a sábado, contando neste último día cun suplemento de fin de semana con outras 32 páxinas. O Diario sairá 258 días ao ano e alén da edición en papel terá tamén unha edición dixital que se actualizará a miúdo e recollerá parte da información que se publique no formato en papel.
O acto está convocado pola Fruga para o luns 26 de novembro ás 20:00 h na Sociedade Recreativa A Unión de Sarria e contará coas intervencións de Elías Somoza, coordinador da Fruga en Lugo; María Casar, presidenta da A.C. Ergueitos e Manuel Da Cal, membro do Consello de Administración de Sermos Galiza S.A.