O sábado 6 de xullo terá lugar en Quiroga a cuarta edición do Night Trail Quiroga. Trátase dun evento deportivo nocturno que na súa anterior edición xa contou cuns 380 inscritos.
Poderá participar todo o mundo, xa que haberá dous percorridos de distintos niveis. O primeiro, de 17 quilómetros, ten unha dificultade media-alta e os participantes deberán superar 835m de desnivel. O segundo é de dificultade media-baixa, está dirixido a todos os públicos e nel deberase superar un desnivel de 345 metros andando e correndo. Os organizadores sailentan que máis do 80% do percorrido será natural, evitando na medida do posible os treitos urbáns.
É posible inscribirse ata o día 3 de xullo, tanto a través da súa páxina web (dispoñible neste enlace) como no Concello de Quiroga. O prezo varía segundo o percorrido escollido: o de dificultade baixa custa 8 euros e o de dificultade alta 12. Ademais, todos os participantes recibirán unha camiseta técnica e unha medalla ao finalizar a competición.
