InicioEconomía‘Master Classes’ da D.O. Ribeira Sacra en Estados Unidos

‘Master Classes’ da D.O. Ribeira Sacra en Estados Unidos

As citas desenvolvéronse durante o mes de maio en Chicago, Ilinois, Los Ángeles, California, Orlando, Florida, Austin e Texas; nelas trasladóuselles aos participantes todo tipo de información sobre o territorio amparado e os seus viños.

Publicado o

- Advertisement -

Nas actividades participaron máis de 130 representantes de hoteis, restaurantes, viñotecas, cadeas de distribución, xornalistas e escritores especializados; interlocutores que puideron coñecer  información sobre a D.O. Ribeira Sacra relativa á súa historia, ao seu territorio e terreo, ás características climáticas, así como tamén os recursos, a viticultura, a vinicultura e a regulación da Denominación de Orixe.

Houbo, como non, tamén ocasión para catar os viños da Denominación de Orixe Ribeira Sacra, en concreto 8 viños, pertencentes a 7 adegas do territorio amparado:

  • 2018 S.A. T Virxe dos Remedios “837 Xuga”
  • 2017 Carlos Rodríguez “Alba Solleira”
  • 2017 Grupo Peago S.L. “Condado de Sequeiras”
  • 2017 Manuela Valdés Pérez “Tear”
  • 2014 Ronsel do Sil S.L. “Vel, uveyra”
  • 2018 Adegas de Rectoral de Amandi A.U.
  • 2014 Adegas de Rectoral de Amandi A.U. “Edición Limitada Manolo Arnoya”
  • 2017 Alma das Donas S.L. “Alma3Once”

O responsable das clases maxistrais foi David Yoshida MS, profesor nas clases sobre viño da Universidade de Yale, do grupo AvroKO en Nova Iork e actual director de viño dun dos equipos da start up Pollux Wine.

A información sobre a D.O. Ribeira Sacra e os viños catados foi publicada na web The Guild of Sommeliers e os asistentes ás actividades especializadas quedaron abraiados pola ampla e variada gama de viños que coñeceron. Valoraron, entre outras cousas, o prezo, a calidade e consistencia dos viños e a súa identidade.

Moitos dos asistentes a estas sesións destacaron, ademais da calidade, a diversidade dos caldos dependendo da rexión e amosaron especial interese por incluír os viños nas súas listas de preferencias e tamén por coñecer de primeira man o territorio e a oferta enoturística do lugar.

ÚLTIMAS

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...