A Consellería de Infraestruturas e Mobilidade anunciou que levará a cabo as obras de renovación e mellora da estación de autobuses de Monforte antes de finais de anos. Así o anunciou o mércores 24 o delegado territorial da Xunta en Lugo, José Manuel Balseiro, na presentación oficial do proxecto.
O investimento do proxecto será de 165.073 euros e o prazo de execución é duns catro meses, polo que se prevé que estea finalizado na primavera do ano que vén. Deste xeito, as empresas interesadas en executar a obra terán ata o 8 de agosto para presentar as súas ofertas.
Os traballos de reacondicionamento consistirán na mellora integral de todos os espazos da estación. Entre outras cousas, repintaranse as paredes, limparase a cuberta, substituiranse os baixantes de augas e renovarase o pavimento da zona do aparcadoiro. A obra tamén inclúe a colocación de máis bancos e a modernización dos aseos e o mobiliario.
