Recreación das feiras de antes no Courel

Seoane do Courel quere potenciar a feira do segundo e cuarto domingo de mes e mañá daralle unha ambientación rústica na que non faltarán postos de diferentes temáticas, a subasta de xovencas e baile para rematar a xornada.

Imaxe dunha feira daqueles tempos. Foto: Concello Folgoso do Courel

O Concello de Folgoso do Courel, en colaboración ca Asociación San Xoán de Seoane do Courel, organiza un día de Feira na localidade de Seoane. O obxectivo deste evento é potenciar, polo menos unha vez ao ano, o mercado que se celebraba en Seoane cada 2º e 4º domingo de cada mes. A feira pretende recrear aquel mercado, ambientando o escenario da feira con decoración e vestimenta de principios do século XX.

Como nas feiras tradicionais contarase con postos de venda de plantas e sementes, roupa, artesania, produtos da zona e exposición e venda de gando. Ás 12:30 horas terá lugar unha poxa de xovencas de ACRUGA. Poderase comer o polbo para xantar e pola tarde festa co grupo musical Trío Innovación para rematar a xornada.

DEIXAR UN COMENTARIO

Please enter your comment!
Please enter your name here