O incendio que se orixinou a pasada madrugada no municipio de Quiroga (Lugo), parroquia do Hospital, quedou extinguido, segundo informaron a Europa Press fontes da Consellería de Medio Rural.
O lume orixinouse sobre as 00,54 horas da madrugada do luns na parroquia do Hospital, nun dos municipios da Serra do Courel que forma parte de Rede Natura, aínda que desde a Consellería manifestaron que non tiñan constancia de que afectase á zona de protección.
O incendio, tras quedar controlado na xornada de onte, quedou extinguido ás 02,13 horas, afectando a un total de 16 hectáreas, precisaron desde o departamento autonómico.
Nos labores, os servizos de extinción contaron con apoio aéreo, con avión e helicóptero, ademais de brigadas e motobombas. En concreto, foron, segundo os últimos datos achegados, seis axentes 22 brigadas, 10 motobombas, unha pa, seis avións e seis helicópteros.