InicioMovementos sociaisNova concentración de 'Enfermeiras en Loita' no Hospital de Monforte

Nova concentración de ‘Enfermeiras en Loita’ no Hospital de Monforte

O colectivo convoca a mobilización para o vindeiro xoves 12 de setembro ás 12.00 h.

Publicado o

- Advertisement -

Enfermeiras en Loita Monforte, uníndose ás reivindicacións do colectivo a nivel de Galicia, anuncia unha concentración para o vindeiro 12 de setembro ás 12:00 h. diante do Hospital Comarcal de Monforte. A mobilización realizarase en centros de saúde e Hospitais de Galicia, como xa vén sendo habitual cada 12 de cada mes dende hai varios meses.

Cada mes reivindican unha nova causa, e nesta ocasión, o novo contrato de continuidade está no punto de mira das e dos convocantes. Segundo estes, “foi vendido por parte do Sergas como a solución para a falta de estabilidade laboral e da escaseza de persoal que vén afectando os nosos hospitais e centros de saúde desde hai tempo, e o certo é que este novo contrato, máis que una solución, parece unha mazá envelenada”.

No argumentario que fundamenta a protesta engaden que “este contrato é malo para nós, para os doentes, e para o Servizo Galego de Saúde que segue a perder prestixio e calidade a costa de empeorar as condicións laborais dos seus traballadores e traballadoras”.

Así mesmo, fan un chamamento á solidaridade da cidadanía para unirse á loita que manteñen co Goberno da Xunta co obxectivo de acadar unha solución á precariedade e inestabilidade laboral no sector.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...