O Grupo do PP monfortino vén de expresar o seu “malestar” ante a actitude de José Tomé, alcalde socialista, tras o seu nomeamento como presidente da Deputación de Lugo. Así o manifestou a voceira dos Populares, Katherinie Varela, quen afirmou que é posible constatar que o alcalde socialista “xa está a desatender o Concello“. “Está a demostrar que lle interesa moi pouco a nosa cidade e si a súa ambición persoal”, declarou Varela.
Estas declaracións xorden despois do anuncio de que Tomé pretende estar tres días en Lugo e tan só dou en Monforte. Conclúen que se a adicación do Rexedor “será reducida”, tamén debería “ser reducido o seu salario”. Nestes momentos o alcalde monfortino está a percibir un soldo pola súa adicación exclusiva ao Concello, e dende o PP cren que “se vai traballar ao 60% na Deputación, o lóxico e obxectivo sería que cobrase tamén o 60%”.
Doutra banda, resaltaron a ausencia de Tomé na xornada Demoday de emprendedores no Espazo Coworking. Segundo os Populares isto é unha proba máis de que “lle importa máis o despacho de Lugo que o do Concello”, xa que a toma de investidura tivo lugar pola mañá e este acto estaba organizado pola tarde e a súa axenda teríalle permitido acudir. “Claramente estalle dando a espalda aos monfortinos, que pasamos a ser o segundo prato”, remarcou Katherinie Varela.