Marea Galeguista teme que os rebrotes impidan o dereito a voto

“O que ten que deixar claro (a Xunta) é que o exercicio democrático se pode facer de forma normal, se non, ten que aprazar as eleccións”, insistiu Casal, que tamén censurou que se recomende levar a papeleta de casa, algo que prexudica ás formacións que, como Marea Galeguista, prescindiron do ‘mailing’ e beneficia ás candidaturas “que gastaron unha porrada de diñeiro” niso.

O candidato de Marea Galeguista á Presidencia da Xunta, Pancho Casal, considera que se os rebrotes de coronavirus, como o desatado na comarca da Mariña luguesa, impide que “moitos” cidadáns exerzan o seu dereito a voto, as eleccións autonómicas “teñen que aprazarse”. A coalición da Marea Galeguista, no seu momento, manifestárase de acordo coa celebración dos comicios nesta data, mentres PSdeG, BNG e Galicia En Común-Anova-Mareas criticaran a decisión.

Casal cre que a Xunta e o seu presidente e aspirante á reelección polo PPdeG, Alberto Núñez Feijóo, tratan de “restar importancia” ao rebrote da Mariña “decretando un apagamento informativo nos medios públicos e privados”.

Tras afear que busquen “negar a realidade, o peor que pode facerse nunha situación de emerxencia”, a cabeza de lista de Marea Galeguista demandou á Consellería de Sanidade que ofreza “información” sobre a situación no norte da provincia de Lugo e “publique o protocolo” ante rebrotes.

Temos candidatos de nosa propia candidatura con sospeitas de estar infectados e dinnos que non lles fan as probas“, sentenciou Casal, que advirte das consecuencias que a situación desatada na Mariña pode carrexar nun proceso electoral que, como lembrou, En Marea apoiou retomar en contra da postura do resto de partidos da oposición con presenza na Cámara galega. Toda a información no Xornal de Vigo.

DEIXAR UN COMENTARIO

Please enter your comment!
Please enter your name here