O alcalde de Quiroga, Julio Álvarez, informou o pasado venres da confirmación por parte das autoridades competentes de sete positivos en Covid-19 no concello.

Aínda que dende a Xunta de Galicia seguen mantendo a Quiroga en zona verde dada a situación epidemiolóxica, dende o Concello de Quiroga tomouse a decisión, por prudencia, de pechar xa os parques infantís e suspender todas as actividades programadas para este mes de outubro e que supoñan a concentración de xente.

O rexedor local chama á tranquilidade da cidadanía, recomenda aos veciños e veciñas saír o menos posible da casa e lembra a obligatoriedade de cumprir coas medidas sanitarias recomendadas: uso de máscara, distancia social e desinfeccións de mans. Asegura así memo que as forzas de seguridade teñen instruccións para facer cumprir as medidas indicadas.