Pilar López e seu grupo queren saber que previsións hai para licitar de novo a xestión do Centro do Viño e da Oficina de Turismo. Hai dous anos caducou o contrato de xestión coa empresa responsable deste servizo e queren coñecer cal é a situación exacta.
Tamén lle preocupa á concelleira o rumor de que a oficina de Abanca no barrio da Estación vai pechar. Para Pilar López e seu grupo, de materializarse este rumor, sería unha moi mala noticia para o barrio da Estación, un barrio emblemático na cidade que viviu nos últimos anos unha importante diminución da actividade. Pregúntalle ao alcalde, José Tomé, se ten feito xestións no tema desta sucursal e pídelle, que de non ser asi, se dirixa á Entidade co fin de buscar unha solución que non pase polo peche desta oficina, que presta un importante servizo.
