Que a Ribeira Sacra sexa BIC non é obstáculo para a A-76, di a Xunta

O delegado territorial da Xunta en Lugo desminte así ao alcalde de Monforte quen asegura que esta decisión da administración autonómica fai imposible acometer esta infraestrutura.

N-120 / Google Maps

José Manuel Balseiro asegura que a declaración como Ben de Interese Cultural da Ribeira Sacra ou a futura consideración deste espazo como Patrimonio da Humanidade, en nada ten por que afectar á execución da futura autovía A-76 entre Ponferrada e Ourense, en particular, nos treitos lucenses.

A Xunta desminte así, as declaracións do alcalde de Monforte, José Tomé, xustificando o cambio do trazado inicial desta autovía por Chantada e asegurando que a declaración como BIC da Ribeira Sacra facía imposible esta infraestrutura. O delegado asegura que non hai límite legal, nin impedimento para que en espazos declarados como BIC, na súa consideración de paisaxe cultural, poidan executarse melloras nas súas infraestruturas e, en particular, a construción dunha autovía.

“Como é lóxico estúdase o impacto ambiental de calquera actuación, pero a declaración como Ben de Interese Cultural non é ningún obstáculo para que poida executarse esta autovía, tan importante como é para a mellora da comunicación e para vertebrar a Ribeira Sacra”-conclúe o delegado.

DEIXAR UN COMENTARIO

Please enter your comment!
Please enter your name here