23 profesionais comezan o curso de guía de Turismo Científico Observer dos Ancares e O Courel

23 profesionais e empresas de turismo activo veñen de comezar a formación de 30 horas para capacitar a profesionais como Guías OBSERVER de Turismo Científico nas Montañas de Ancares e Courel.

Curso Guías Observer / Deputación de Lugo

Os participantes no curso son empresas e profesionais do sector, situados na contorna socio-económica destes espazos naturais da provincia, que recentemente recibiron a certificación Espazo Observer Turismo Científico.

Estes destinos disporán así de guías acreditados por OBSERVER, con coñecementos específicos para guiar a grupos e explicar os valores e recursos destes espazos protexidos desde unha óptima vinculada a calquera disciplina da ciencia como a botánica, a zooloxía ou a xeoloxía entre outras.

Os participantes afondarán nos principios e a historia do Turismo Científico e do ecoturismo, lexislación, e recursos naturais e culturais de Ancares e Courel. Ademais, tamén recibirán aprendizaxe en metodoloxías para deseñar actividades; dinámicas de grupo, atención ao público e técnicas interpretativas. A distinción Espazo Observer avala o potencial destes territorios como reserva científica grazas a un proxecto impulsado pola Deputación o pasado ano.

DEIXAR UN COMENTARIO

Please enter your comment!
Please enter your name here