HomesociedadeO IES A Pinguela celebra o 40 aniversario

O IES A Pinguela celebra o 40 aniversario

Será este venres 26 de abril e farao cunha programación completa na que haberá unha conferencia pola mañá e un acto oficial pola tarde a partir das 19:00 h. no Salón de Actos. Como remate da xornada terán unha cea con concerto do grupo Os Parentes.

Publicado o

POR
XMF
- Advertisement -

Este venres 26 de abril o IES A Pinguela ten programada unha xornada na que celebrará o seu 40 aniversario. Pola mañá, a partir das 12:35 h., terán unha conferencia da man do científico Ángel Carracedo con alumnado de 4º ESO e Bacharelato e pola tarde-noite o resto de actos.

ACTO OFICIAL

Ás 19:00 h, terá lugar o acto oficial no salón de actos do centro, acto no que intervirán as seguintes autoridades: o conselleiro de Educación, Ciencia, Universidades e Formación Profesional e o Alcalde de Monforte de Lemos.

A continuación haberá un Recital de Olga Novo, Premio Nacional de Poesía e profesora do IES A Pinguela, acompañada ao piano de Samuel Casas.

Despois intervirán tamén, Matías Vázquez Yáñez, en representación do primeiro profesorado do centro, Mar López sotelo, en representación do alumnado das primeiras promocións do instituto, e Enrique Sampil, director do IES A Pinguela.

Haberá tamén unha lembranza aos anteriores directores do instituto: Manuel Balea González, Joaquín Trijillo Castilla, José Ramón Casanova Otero, e Pilar Silvosa Costa; e tamén á traxectoria do propio centro dende a súa creación ata a actualidade. “Actualmente xa superamos os 500 alumnos para os que traballamos 79 profesores. Somos 7 grupos de ESO, 6 de Bacharelato, FP Básica e 12 ciclos formativos de 4 familias profesionais: Administración, Imaxe Persoal, Informática e Téxtil”, sinala Enrique Sampil, director actual.

Fotos antigas do alumnado / IES A Pinguela
CEA E CONCERTO

Ás 21:30 h. rematará a xornada cunha cea de confraternidade no Restaurante Don Manuel, para a continuación gozar do concerto do grupo “Os Parentes” de Sober.

ÚLTIMAS

Graduación de 2º de Bacharelato do IES A Pinguela

O IES A Pinguela celebrou un animado acto de graduación no que 53 alumnos...

Ferran Centelles: “Delicadeza é o que falta historicamente en España e a Ribeira Sacra ten o potencial de ofrecer eses viños”

Esta cata forma parte dos esforzos da Denominación de Orixe Ribeira Sacra para destacar...

O IES A Pinguela, único instituto de Galicia con FP de calzado e complementos de moda

Do encontro participou o profesorado do IES A Pinguela con empresarios monfortinos do sector...

O 30 de xuño o colexio de Sober celebra o 50 aniversario cun xantar de confraternidade

Ao longo deste medio século de vida teñen pasado polo centro máis de 1.270...