Este venres día 28 o Concello de Sober organizará unha xornada de portas abertas nas Piscinas Municipais con motivo do inicio da tempada estival. A partir das 13:00 poderán facer uso das instalacións de xeito gratuito todos os usuarios que o desexen. Como novidade, este ano preséntanse como novidade dous tobogáns de auga fixos.
O horario de apertura das Piscinas será de 13:00 a 21:00 horas nas fins de semana e de 13:30 a 21:00 horas de luns a venres. O prezo da entrada será de 1,50 euros para menores de 14 anos e de 2,50 euros para o público xeral. Os menores de seis anos poderán acceder de balde. Con todo, os usuarios teñen a posibilidade de adquirir bonos mensuais infantís, individuais e familiares cun custe de entre 20 e 40 euros.
Ao longo do verán tamén terán lugar unha serie de actividades, algunhas delas gratuitas, como clases de natación, aquagym, obradoiros infantís e bibliopiscina.
