Preparando as Escolas Deportivas Municipais de Monforte

Este luns, 2 de setembro, abrirá o prazo de inscricións nas Escolas Deportivas Municipais que o Concello de Monforte organiza durante o curso 2019 – 2020.

Cartel / Concello de Monforte

A oferta deportiva divídese en actividades para nenos e nenas (entre os 6 e os 15 anos) e actividades para adultos/as (a partir de 16 anos). No primeiro caso contarase con Patinaxe, Golf, Pádel, Kung Fu e Zumba Kids. Nas actividades para adultos a oferta é de: Ximnasia de mantemento, Tai Chi, Ioga e Zumba.

A actividade de cada unha das modalidades deportivas dará comezo no mes de outubro de 2019 e prolongarase ata finais do mes de maio de 2020, completando así un total de 8 meses lectivos. O custe por modalidade e alumno/a e de 92,70 € por todo o curso, cunha bonificación do 50 % para aquelas persoas que pertenzan a familia numerosa.

O prazo de solicitudes estará aberto dende este luns ata o venres 20 de setembro, no Rexistro Municipal ou a través da sede electrónica. Entre o luns 23 e o venres 27 publicarase na páxina web do Concello a lista de admitidos e admitidas nas actividades.

DEIXAR UN COMENTARIO

Please enter your comment!
Please enter your name here