580.000 euros da Deputación para as estradas provinciais do sur da provincia

A Deputación adxudica a conservación da rede viaria provincial nos concellos de Monforte de Lemos, Bóveda, A Pobra do Brollón, Sober, Pantón, O Saviñao, Taboada, Chantada e Carballedo.

Máquina traballando na estrada provincial LU-P-4102. Foto: Prensa Deputación de Lugo

A Deputación de Lugo ven de aprobar a adxudicación dos traballos de conservación da rede viaria da provincial correspondentes a 5 dos 8 lotes nos que está divido este servizo.  O lote 8 correspóndese aos concellos de Monforte de Lemos, Bóveda, A Pobra do Brollón, Sober, Pantón, O Saviñao, Taboada, Chantada e Carballedo, no que se investirán 584.330 € en tres anualidades, de 2019 a 2021.

O conxunto de obras adxudicadas ten un investimento próximo aos 3,2 millóns de euros, incluíndo un total de 42 concellos da provincia de Lugo.

A Deputación licitou conxuntamente o ano pasado os 8 lotes nos que está dividido o contrato de conservación de estradas provinciais por un importe total de 6,4 millóns de euros para o período 2019-2021.

Segundo o Presidente da Deputación, José Tomé, este contrato dá conta da importancia que para a Deputación ten a mellora das comunicacións viarias de cara a garantir a igualdade de oportunidades. A contratación deste servizo, inclúe novas cláusulas sociais que defenden os dereitos dos traballadores, favorecen o emprego feminino na obra pública.

DEIXAR UN COMENTARIO

Please enter your comment!
Please enter your name here