A xornada dará comezo ás 09:30 horas diante da Casa do Concello. Farase unha saída ao campo para a recolección e identificación de diferentes especies facendo especial fincapé nas variedades comestibles e na súa posible confusión con outras variedades tóxicas.

O desprazamento ata o monte será nos vehículos dos participantes procurando compartir o espazo se hai dispoñibilidade de prazas.

Trala clasificación dos cogomelos recolectados, levarase a cabo a preparación e degustación das variedades comestibles. O xantar terá lugar no local social de Trascastro. Ademais da degustación de cogomelos haberá empanada e bebida a cargo do Concello. Cada participante deberá levar prato, vaso, coitelo e garfo. A inscrición é de balde e deberá realizarse nas dependencias do Concello ou por teléfono ata o día 14 de novembro.