Recollida de plásticos agrícolas no Saviñao

O Concello inicia o día 28 deste mes o servizo de recollida de plásticos agrícolas en todas as explotacións gandeiras que así o desexen.  A entidade local vén de emitir un bando onde fai pública a nova prestación, que será de balde e de carácter trimestral.

Residuos de pláscos agrícolas/agroinformación

A empresa SIMA SL será a encargada de facer a recollida a custe 0 para os gandeiros cada tres meses. Farase, ademais, a demanda dos mesmos, evitándolles ter que levar os plásticos ao punto limpo. Asemade, esta prestación contribuirá a que se eviten problemas medioambientais  a causa da acumulación destes residuos.

Taller de defensa persoal

A ludoteca de Escairón acolle durante este mes, un curso gratuíto de defensa persoal para mulleres e adolescentes. Esta actividade, que se inclúe na programación deseñada polo Concello en protesta contra a violencia machista, está a ter unha gran acollida. Ten unha duración de dúas horas e forma ás asistentes en técnicas de prevención e autoprotección.

 

DEIXAR UN COMENTARIO

Please enter your comment!
Please enter your name here