81 hospitalizacións na provincia de 533 casos activos

A semana continúa coa tendencia á baixa na aparición de novos casos activos por Covid19 na provincia de Lugo. Cóntase con 533 casos activos, dos que 81 están en hospitalización. As residencias da zona sur manteñen o número de afectados, se ben no CAPD de Sarria, infectáronse 2 traballadores máis.

Recollida de mostras para análise do COVID19 dende o coche no Hospital Meixueiro de Vigo © Miguel Nuñez

Cada día segue baixando o número de persoas que pasan a incrementar os casos activos na provicia, onte eran 63 os novos contaxios detectados, e hoxe foron 12 máis. Tamén son 12 os pacientes ingresados na UCI, igual ca onte; 5 atópanse no Hospital Público da Mariña e 7 no HULA.
81 persoas están en hospitalización, 2 máis ca onte; 18 delas no Hospital Público da Mariña, 11 no Hospital Público de Monforte e o resto no HULA). Increméntase en 10 os casos confirmados que están confinados na casa e chegan a un total de 440 na provincia.

Nas residencias de anciáns, na zona sur, mantéñense os casos activos, 1 na DomusVi Chantada, 1 na Virgen de la Luz (Monforte), 2 DomusVi Monforte de e na residencia de Castro Caldelas 7, ademais dunha persoa falecida. Os traballadores infectados nas residencias galegas son 165, entre os que se atopan 1 da DomusVi Chantada e 4 na Residencia Domusvi Monforte.

Os centros galegos para persoas con disicapacidade, conta con 46 usuarios diagnosticados como casos activos; deles 7 pertencen ao CAPD de Sarria. Os traballadores confirmados son 38 e a maioría están no CAPD de Sarria, 11, 2 máis ca onte. A Vivenda Tutelada Agora de Monforte conta tamén cun traballador diagnosticado.

DEIXAR UN COMENTARIO

Please enter your comment!
Please enter your name here