Homesociedade9 positivos por Covid19 na residencia de Taboada

9 positivos por Covid19 na residencia de Taboada

A residencia de maiores O Meu Fogar, do muncipio lucense de Taboada, detectou un brote de coronavirus nas súas instalacións con nove infectados. Trátase de seis usuarios e tres traballadoras.

Publicado o

- Advertisement -

En declaracións a Europa Press o alcalde de Taboada, Ramiro Moure, dixo que “tras a realización das probas que está a efectuar a Xunta de Galicia detectáronse eses positivos” aínda que tamén recalcou “que todos están asintomáticos”.

Os usuarios permanecen illados e “estarán nesta situación durante 15 días ata que lles volvan a facer as probas”, segundo confirmou o rexedor. As traballadoras, pola súa banda, atópanse “en corentena nos seus domicilios” para evitar a propagación da pandemia.

Esta residencia conta cun total de 94 prazas e é de titularidade privada, pertence á Fundación San Rosendo, unha compañía con numerosos centros deste tipo por toda Galicia. Alí, o ambiente segue sendo “bo” segundo Moure, quen tamén confirma que “non hai situación de alarma algunha”. Neste sentido, o alcalde explicou que se atopa en contacto constante coa directora do centro para coñecer todas “as novidades de primeira man”.

Entre tanto, o delegado territorial da Xunta de Galicia en Lugo, José Manuel Balseiro anunciaba que ningún usuario das residencias de titularidade autonómica “está infectado por COVID-19”. Estes centros de titularidade autonómica suman preto de 500 residentes en total e o delegado territorial incide en que se non se dan positivos é polo “gran traballo que están a realizar os directores e traballadores destes centros para protexer, coidar e axudar aos usuarios nestas semanas de confinamento”.

ÚLTIMAS

O 19 de xullo comeza o servizo de lanzadeiras na Ribeira Sacra cunha nova ruta desde Chantada

O servizo de lanzadeiras que pon en marcha o Consorcio de Turismo da Ribeira...

Promoción de produtos agroalimentarios de calidade en Bóveda

A XXI edición da Feira Outrora, en Rubián, contou este ano coa presenza da...

A Xunta Local de Seguridade de Chantada coordina o dispositivo da Subida a Chantada e das Patronais

A 51ª edición desta proba automobilística celebrarase os días 25, 26 e 27 de...

Sarria celebra desde este 14 de xullo ata o día 20 a IV edición do Ultreia e Suseia

Sarria acolle desde este luns e ata o 20 de xullo unha nova edición...