Entrega de mascarillas infantís en Sober e O Saviñao

As mascarillas teñen un deseño adaptado á poboación infantil e son de dúas tallas. Para nenas e nenos de 3 a 7 anos e de 8 a 12 anos. Para menores de 3 anos as autoridades sanitarias non recomendan o uso de mascarillas.  

Mascarillas / Concello de Sober

O Concello de Sober vén de comezar o reparto de dúas mascarillas reutilizables para cada un dos nenos e nenas da localidade. Tamén o concello do Saviñao traballa no reparto de mascarillas infantís para os seus nenos.

O persoal de Protección Civil é o encargado de entregalas casa por casa, aproveitando o envío do material escolar para o terceiro trimestre. As mascarillas entréganse xunto cun folleto explicativo de uso.

Está previsto que os nenos e nenas poidan saír das súas casas a partir do vindeiro domingo, seguindo sempre as indicacións do Goberno do Estado.

Marcarillas / Concello de Sober

1 COMENTARIO

DEIXAR UN COMENTARIO

Please enter your comment!
Please enter your name here