IniciosociedadeQuiroga envía máscaras reutilizables para promocionar o concello

Quiroga envía máscaras reutilizables para promocionar o concello

O concello de Quiroga fará a vindeira semana unha nova entrega de máscaras entre todos as vivendas do municipio. Trátase de máscaras reutilizables de ata 25 lavados e que están serigrafiadas co escudo e o nome de Concello de Quiroga.

Publicado o

POR
Redacción
- Advertisement -

Ás máscaras en tamaño de adultos e nenos están homologadas e teñen unha filtración bacteriana de ata o 94,84% e unha transpirabilidade do 58,2. 2.500 son as máscaras que o concello encargou para repartir en todas as vivendas do municipio. Cada vivenda recibirá por correo unha máscara que irá debidamente empaquetada e coas indicacións de lavado. Farase unha entrega especial para nenos e adolescentes. Os nenos de 3 a 12 anos recibirán un paquete con cinco máscaras para cada un e os adolescentes de 13 a 18 anos de idade recibirán unha para cada un. 

Esta nova entrega forma parte dunha campaña que se vai levar a cabo dende o concello, polo que as máscaras entréganse cunha recomendación dende a Alcaldía de Quiroga para que se utilice este sistema de protección. 

Esta é a segunda vez que o Concello de Quiroga reparte máscaras no domicilio da veciñanza e o terceiro reparto que fai para os máis pequenos da casa. A primeira entrega para os nenos e nenas quirogueses foi unha máscara reutilizable de tela elaborada por traballadores municipais que se entregou nos domicilios dos nenos e a segunda entrega foi de máscaras cirúrxicas que debían recollerse na Oficina de Turismo.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...