Obras de mellora de accesos no Saviñao

Os traballos benefician aos veciños que residen en Chave, Mañariz, Vilamor e Troncedo.

Melloras accesos O Saviñao / Concello do Saviñao

Nos vindeiros días rematarán as obras, contratadas polo Concello do Saviñao, para mellorar os accesos a 4 núcleos de poboación. Son os seguintes: Chave, Mañariz, Vilamor e Troncedo.

Deste xeito, a entidade local, segundo apunta o máximo mandatario local, “continúa co seu compromiso de seguir acondicionando as vías municipais, co fin de que os veciños e veciñas dispoñan duns accesos en boas condicións e, por tanto, teñan garantida a seguridade no tráfico rodado”.

Os traballos inclúen a renovación do firme con rego asfáltico, ademais do acondicionamento das cunetas para unha correcta canalización da auga e así evitar que se deteriore a propia estrada cando chove. Inclúense no Plan de Proxectos Estratéxicos de de Infraestruturas do Medio Rural, cofinanciado pola Xunta de Galicia, a través da consellaría do Medio Rural, e do Goberno, a través do ministerio de Agricultura.

DEIXAR UN COMENTARIO

Please enter your comment!
Please enter your name here