Especialización en enoturismo no curso que promove a APEHL en Monforte

Este mércores inaugurouse o Curso de Desenvolvemento e Xestión de Proxectos Enoturísticos que se desenvolve no Centro do Viño da R.S. e que promove a APEHL coa colaboración da Deputación de Lugo.

Enoturismo curso / Deputación de Lugo

No acto de presentación participaron a Deputada de Réxime Interior, Promoción do Territorio eTurismo, Pilar García Porto, o Presidente de APEHL, Cheché Real; a primeira tenente de Alcalde do Concello monfortino, Gloria Prada Rodríguez, e do director do Instituto Galego do Viño, Xoan Cannas.

O Instituto Galego do Viño, que dirixe Xoán Cannas, é o encargado de impartir estaactividade formativa ata o mes de decembro a case unha vintena de participantes. A maioría das persoas inscritas pertencen ao sector do turismo e hoteleiro. Tamén participan profesionais do sector servizos.

enoturismo curso / APEHL Monforte

O curso afondará en diversos aspectos da viticultura e servirá para capacitar ao alumnado en aspectos prácticos, como a elaboración de cartas de viños, a maridaxe, o servizo e xestión de sala, o traballo en adegas e a xestión do negocio. As persoas participantes poderán coñecer novas tendencias do mercado e aprender a crear, desenvolver e xestionar produtos enoturísticos coñecendo ferramentas de comercialización, de imaxe de marca, comunicación e enomarketing. O curso complétase con clases prácticas de catas de viños galegos e nacionais de diferentes denominacións de orixe. 

Esta actividade formativa enmárcase no convenio de colaboración polo que a Deputación de Lugo achega 60.000 euros a APEHL para apoiar este sector, gravemente afectado pola pandemia. 

DEIXAR UN COMENTARIO

Please enter your comment!
Please enter your name here