“Estamos a desexar dar boas noticias acerca da situación na Residencia de Anciáns A nosa Señora do Carmen e a de hoxe éo: nestes momentos tan só teñen PCR positiva 9 residentes, que evolucionan favorablemente e serán dados de alta o luns”, trasladan dende o Concello de Sarria.
O resto, tanto residentes como traballadores, teñen unha PCR negativa e atópanse á espera da segunda dose da vacina.
Ademais desta boa nova, o concello lembra que, segundo a información que facilita a Xunta para coñecer a situación actualizada dos concellos en relación á Covid-19, “nesta última semana o número de casos activos baixou moitísimo”. A día de hoxe son 68 segundo o Sergas.