Folgoso do Courel sufraga os gastos das viaxes para vacinarse contra a Covid19

O Concello de Folgoso do Courel colabora con aqueles veciños e veciñas que non teñan como desprazarse nos gastos derivados da viaxe para poñer a vacina contra a covid-19.

Folgoso do Courel / concello Folgoso do Courel

Todos aqueles maiores que estean a ser chamados para realizar a vacinación no PAC de Quiroga poden poñerse en contacto co Concello para que este sufrague os gastos de desprazamento. O concello lembra que os veciños e veciñas poden asistir á vacinación no seu taxi de confianza e despois a administración local aboará ese pagamento. Se algún veciño ou veciña xa fixo a viaxe pode solicitar un recibo do seu taxista e o Concello de Folgoso do Courel tamén se fará cargo deses desprazamentos.

O Concello avisará desta medida mediante bandos colocados nas aldeas e tamén a través dos pedáneos e das redes sociais. Aténdese así a demanda de aqueles veciños que están nunha situación difícil para poder vacinarse como contaba Xornal de Lemos.

Mentres desde o Concello informan de que as traballadoras da axuda a domicilio xa recibiron a primeira dose da vacina a pasada semana.

DEIXAR UN COMENTARIO

Please enter your comment!
Please enter your name here