O Pazo de Tor acolle un coloquio sobre o tratamento das personaxes femininas no cinema

A actriz Ana Ribet analizará o papel das personaxes femininas na historia do cinema, desde grandes clásicos ata as producións actuais.

Maite Ferreiro e Ana Riego na presentación das actividades de 'Arte Viva'. Foto: Prensa da Deputación de Lugo

O Pazo de Tor acolle este sábado 14 ás 17:30 horas a charla-coloquio “Miradas á gran pantalla”, na que a actriz Ana Ribet falará do tratamento das personaxes femininas, facendo un percorrido pola historia do audiovisual, dende os grandes clásicos ata as películas e series máis actuais.

A actividade está dirixida a público adulto e adolescente completándose o faladoiro cun obradoiro de escritura creativa onde Ribet compartirá ferramentas para escribir unha historia con perspectiva de xénero e identificar a presencia –ou ausencia– da muller na sétima arte.

“PROGRAMACIÓN ARTE VIVA”

Esta inciativa forma parte da programación “Arte Viva” na que a Rede Museística cede os seus espazos para que xestores culturais noveis, procedentes do Máster de Xestión Cultural da USC en Lugo, poidan desenvolver os seus proxectos.

Esta proposta dinamizadora e formadora está artellada por Ana Riego, que, segundo ela mesma explica: “pon en valor a hibridación das artes e o seu papel formativo na sociedade”.

A asistencia á actividade é libre e gratuíta ata completar a capacidade do dacordo coas normas de prevención fronte á Covid 19 vixentes.

DEIXAR UN COMENTARIO

Please enter your comment!
Please enter your name here